Suriyada kritik gəlişmə: ABŞ ordusuna ağır zərbə - İtki verdi

ABŞ ordusunun zirehli texnikası Suriyanın Deyr əz-Zor əyalətində naməlum silahlı qrup tərəfindən hücuma məruz qalıb, nəqliyyat vasitəsindəki iki amerikalı əsgərin taleyi məlum deyil.

Teleqraf.com xəbər verir ki, bu barədə Suriya dövlət televiziyası məlumat yayıb.

Kanalın məlumatına görə, Ömər tarlalarından Tanak tarlalarına doğru gedərkən ABŞ hərbçilərinə hücum edilib. Hücumdan sonra hərbi vasitənin tamamilə yandırıldığı məlum olub. Hərbçilərin taleyi və harada olduğu bilinmir.

Bu, Suriyadakı ABŞ hərbi qüvvələrinə ilk hücum deyil. Aprelin əvvəlində Deyr əz-Zorda hərbi patrula edilən hücumda ABŞ ordusunun bir zabiti və Suriya Demokratik Qüvvələrinin iki əsgəri öldürülmüşdü.