“Ən gec bu vaxta qədər...” - Peyvənd üçün tarix verdi/Video

“İlin sonuna qədər koronavirusa qarşı peyvəndin hazır olacağını düşünürəm”.

Teleqraf.com xəbər verir ki, bunu ABŞ Prezidenti Donald Tramp deyib.

Keçmiş Barak Obama administrasiyasının pandemiya ilə mübarizə çərçivəsində ona heç nə saxlamadığını bildirən Tramp buna baxmayaraq, infeksiya ilə mübarizədə uğur qazana bildiklərini söyləyib.

Tramp Ümumdünya Səhiyyə Təşkilatı və Ümumdünya Ticarət Təşkilatından məmnun olmadığını bildirib: “Yaxın günlərdə ÜST-lə bağlı açıqlamamız olacaq, bəlkə də gələn həftə.

Ticarət Təşkilatı da uzun müddətdir qorxunc şəkildə hərəkət edir. Çinlə inkişaf etməkdə olan ölkə kimi davranır. Çin də bu səbəbdən ABŞ-ın yararlana bilmədiyi haqlardan istifadə edə bilir”.