Haftara ağır zərbə: hava bazası ələ keçirildi - Video

Liviya ordusu qiyamçı general Xəlifə Haftarın nəzarətində olan Vatiyyə hərbi bazasına nəzarəti ələ keçirib.

Teleqraf.com xəbər verir ki, bu barədə Liviya ordusunun qərb əməliyyat dairəsinin komandanı Usama Cuveyli bildirib.

Qeyd edək ki, Liviyanın legitim Milli Keçid Hökumətinə bağlı ordu neçə müddətdir ki, qiyamçı Haftarın əlində olan Vatiyyə hərbi hava bazasını əldə keçirmək üçün əməliyyatlar həyata keçirirdi. Son bir həfətədə bazanı ələ keçirmək üçün 30-dan çox hücum həyata keçirilib.

Artıq Vatiyyə hava bazasının ələ keçirilməsi qiyamçı Haftarın strateji əhəmiyyətə malik qalalardan birini itirməsi anlamını verir.