1 İyun 20:59
379

Hindistanda ötən sutka ərzində yeni növ koronavirusa (COVID-19) 8392 yeni yoluxma qeydə alınıb.

Teleqraf.com xəbər verir ki, bu, virusun ölkədə yayılmağa başlamasından bəri gündəlik ən yuxarı rəqəmdir. Bununla da Hindistanda koronavirusa yoluxanların ümumi sayı 190 min 535-ə çatıb. Hazırda Hindistan bu infeksiyaya yoluxanların ümumi sayına görə dünyada 7-ci yerdədir.

Bildirilir ki, ötən sutka ərzində COVID-19 infeksiyasından 230 ölüm qeydə alınıb. İndiyədək ölkədə virus səbəbindən ölənlərin sayı 5394-ə yüksəlib.

Qeyd edək ki, yeni növ koronavirus pandemiyası ilə əlaqədar martın 25-dən Hindistanda qüvvədə olan xüsusi karantin rejimi növbəti dəfə bir ay müddətinə uzadılıb. Qərar iyunun sonunadək qüvvədə olacaq.


Müəllif: Teleqraf.com