Zelenski xüsusi iş rejiminə keçir - Xanımına görə

Ukrayna prezidenti Vladimir Zelenski həyat yoldaşı Yelena Zelenskayaya koronavirus diaqnozu qoyulmasına görə xüsusi iş rejiminə keçir.

Teleqraf.com xəbər verir ki, bu barədə Ukrayna dövlət başçısının ofisinin xəbərində deyilir.

"Ukrayna prezidenti Vladimir Zelenski arvadı Yelenada COVID-19-un aşkarlanması ilə əlaqədar xüsusi iş rejiminə keçir. Konstitusiyaya əsasən, prezident öz səlahiyyətlərini heç kəsə həvalə edə bilmir", - xəbərdə deyilir.

Ofisdə bildiriblər ki, Zelenskinin sağlamlıq vəziyyəti "ona xidməti vəzifələrini yerinə yetirməyə imkan verir". Qeyd edək ki, dövlət başçısının koronavirus testi mənfi nəticə verib.

Daha əvvəl bildirilib ki, Ukrayna prezidenti Vladimir Zelenskinin həyat yoldaşı Yelena Zelenskayaya koronavirus diaqnozu qoyulub. Ukraynanın birinci xanımı hazırda ambulator müalicədədir.