Türkiyədə son sutkada 14 nəfər koronadan öldü

Türkiyədə son 24 saat ərzində daha 14 nəfər yeni növ koronavirusdan həyatını itirib.

Teleqraf.com xəbər verir ki, bu barədə Türkiyənin səhiyyə naziri Fəxrəddin Qoca məlumat verib.

Onun sözlərinə görə, COVID-19 infeksiyasından ölənlərin ümumi sayı 4 792 nəfərə yüksəlib.

Nazir qeyd edib ki, ölkədə 1 459 yeni yoluxma halı qeydə alınıb, yoluxanların ümumi sayı 176 677 nəfərə çatıb.

Koronavirusdan sağalanların ümumi sayı son sutkada 985 nəfər olmaqla 150 087 nəfər təşkil edir.