Nazarbayevin səhhəti ilə bağlı son məlumat: "Koronaya yoluxub..."

Qazaxıstan Respublikasının birinci prezidenti, Elbası Nursultan Nazarbayev koronavirusa yoluxub.

Teleqraf.com xəbər verir ki, bu barədə Elbası saytı məlumat yayıb.

Keçmiş dövlət başçısının hazırda özünü təcrid şəraitində olduğu deyilir: "Narahatlığa əsas yoxdur, Nursultan Nazarbayev məsafədən işini davam etdirir".

Bununla belə, Nursultan Nazarbayevdə COVİD-19 infeksiyasının hansı simptomlarının aşkarlandığı bildirilmir.

Qeyd edək ki, Qazaxıstanda bir neçə yüksək ranqlı dövlət məmuru virusa yoluxub. İyunun 17-də parlamentin spikeri Nurlan Niqmatulində koronavirus testi pozitiv çıxıb. Prezident Qasım-Jomart Tokayevin mətbuat xidmətinin rəhbəri Berika Ualidə də koronavirus aşkarlanıb.