İrandan kritik qərar: Hind okeanında baza qurulur - General açıqladı

İran İnqilab Keşikçiləri Korpusu Hind okeanında hərbi baza qurmaq üçün təlimatlandırılıb və bu baza ilin sonuna qədər qurulacaq.

Teleqraf.com xəbər verir ki, belə bəyanatla İran İnqilab Keşikçiləri Korpusunun Dəniz Qüvvələri Komandanı Əli Rıza Tengseri çıxış edib.

General əlavə edib ki, Hind okeanında qurulacaq baza müvəqqəti xarakter daşımayacaq.

İran İnqilab Keşikçilərinin Dəniz Qüvvələrinin uzaq dənizlərə gəmi göndərdiyini bildirən general qeyd edib ki, İnqilab Keşikçiləri Korpusuna Hind okeanında da qalıcı bir hərbi baza qurmaq tapşırılıb.

İran gəmilərinə Oman dənizində və Hind okeanında dəniz quldurlarının hücumunun bir daha təkrarlanmayacağını bildirən general Əli Rza bəyan edib ki, həmin güclər vasitəsilə gəmilərə edilən hücumlara maneə olacaqlar.