“Sovet xalqı qorxunc xolokosta son qoydu, Qızıl ordu olmasaydı...” - Putin

Rusiyanın Müdafiə naziri, ordu generalı Sergey Şoyqu Rusiya Prezidenti, Silahlı Qüvvələrin Ali Baş Komandanı Vladimir Putinə şəxsi heyətin parada hazır olması barədə raport verib.

Teleqraf.com xəbər verir ki, daha sonra Qızıl meydanda Böyük Vətən müharibəsində faşizm üzərində qələbənin 75-ci ildönümü münasibətilə hərbi paradda Rusiya lideri Vladimir Putinin çıxışı başlayıb.

O, əvvəlcə həlak olanların xatirəsinin bir dəqiqəlik sükutla yad edilməsini təklif edib.

“Sovet xalqı qorxunc xolokosta son qoydu, dünyanı faşizmdən xilas etdi. Əgər Qızıl ordu olmasaydı, dünyada nələr baş verəcəyini təsəvvür etmək belə olmazdı”, – deyə V.Putin bildirib.

Rusiya Prezidenti deyib:
“Nasizmə qalib gələn nəsillərə eşq olsun. Böyük Vətən müharibbəsinin qəhrəmanlarına eşq olsun. Ura”.
Daha sonra Rusiya Federasiyasının dövlət himni səsləndirilib.