Putinin hamıdan gizlətiyi qızları – Yayımlanan fotolar şok effekti yaratdı

Şəxsi həyatı və ailəsi ilə bağlı məlumatları gizlətməsiylə tanınan Rusiya Prezidenti Vladimir Putinin qızlarının fotoları ölkə gündəmində müzakirə mövzusu olub.

Teleqraf.com xəbər verir ki, 1983-2014-cü illər ərzində evli olduğu Lüdmiladan olan qızları Mariya və Katerinanın fotolarını rus liderinə yaxınlığı ilə bilinən milyarder Sergey Puqaçov paylaşıb.

Ölkəni tərk etmək məcburiyyətində qalan Puqaçov fotoları öz internet saytında yayımlayıb.

Mariya və Katerina Puqaçovun uşaqları ilə birlikdə Moskva yaxınlığında bir evdə əks olunub. Uşaqlar kameranın önündə rus musiqi qrupu “Strelki” ilə birlikdə poza verib. Fotoların 2000-ci illərin əvvəllərində çəkildiyi ehtimal edilir.

Vorontsova soyadından istifdə edən 35 yaşlı Mariya tibbi sahədə araşdırmalarla məşğuldur.

33 yaşlı Katerinanın soyadı isə Tixonovadır. O, Rusiyanın ən gənc milyarderi Kirill Şamalovla evli idi, 2018-ci ildə boşanıb.