11 İyul 2020 00:33
1 166
12 Punto 14 Punto 16 Punto 18 Punto

Dünyada koronavirusa yoluxanların sayı 12,1 milyonu ötüb, virusdan 551 mindən çox insan ölüb.

Teleqraf.com xəbər verir ki, bu barədə Ümumdünya Səhiyyə Təşkilatı (ÜST) bildirib.

Təşkilatın məlumatına görə, dünyada 12 102 328 insan koronavirusa yoluxub, 551 046 pasiyent ölüb. Son sutkada virusa 228 102 yeni yoluxma aşkarlanıb, 5 565 nəfər ölüb.

“Reuters” agentliyi bildirib ki, pandemiyanın başlanğıcından ötən gün ərzində dünyada koronavirusa ən böyük sayda yoluxma qeydə alınıb.

Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.


Müəllif: Teleqraf.com