17 İyul 2020 11:20
3 629

“İran hərbçiləri hər kəs kimi - media nümayəndələrinə qarşı da kobud davrandılar”.

Teleqraf.com xəbər verir ki, bunu Türkiyənin “TRT” telekanalının tehrandakı bürosunun əməkdaşı Fatih Sabuncu deyib.

O, ötən gün İranın paytaxtında Ermənistanın təxribatına məruz qalan Azərbaycana dəstək aksiyasının kobud şəkildə dağıdıldığını bildirib:

“Ermənistanın İrandakı səfirliyi önündə mitinq çağırışı edildi. İran İslam İnqilabı Keşikçiləri Korpusu (SEPAH) aksiyaya icazə vermədi, toplaşanları çox sərt şəkildə dağıtdı. Biz də media nümayəndəsi olaraq, bundan öz “nəsibimizi” aldıq. Bir qarşıdurma baş verəcəkdi, amma son anda qarşısı alındı. Bizə qarşı yol verdikləri həqarətləri heç vaxt unutmayacağıq, çox çirkindi.

Həmin təhlükəsizlik orqanlarının aprelin 24-də - qondarma soyqırım günü Türkiyəyə səfirliyi qarşısında toplaşan ermənilərə heç nə demirlər”.


Müəllif: Mənsur Rəğbətoğlu