İraqda 37 İŞİD terrorçusu öldürüldü

Havadan və qurudan edilən intensiv hücumlar nəticəsində İŞİD terrorçuları bu gün Mosul yaxınlığında böyük itkilərə məruz qalıblar. Teleqraf.com-un “TRT Haber”ə istinadən məlumatına görə, koalisiya qüvvələrinin havadan endirdiyi aviazərbələr nəticəsində İŞİD yaraqlılarına məxsus bir avtomobil vurulub. Nəticədə 20 terrorçu həlak olub.

Hazırda İŞİD-in nəzarətində olan yanacaq anbarına hücüm nəticəsində daha 3 yaraqlı məhv edilib. İraqın Hit bölgəsində isə qaçmağa çalışan 7 İŞİD-çi öldürülüb. Yezidi kürdlərinin özünümüdafiə dəstələri də gün ərzində 7 yaraqlını sıradan çıxardıqlarını bəyan ediblər.

Birləşmiş könüllü özünümüdafiə qüvvələrinin komandiri Ziya Qazıntım gün ərzində ümumilikdə 37 terrorçunun zərərsizləşdirildiyini vurğulayıb.

Nail Cəlil