30 İyul 2020 10:50
1 465

Rusiyanın humanitar yardım karvanı Ukraynanın işğal edilmiş Donetsk bölgəsinə gəlib.

Teleqraf.com xəbər verir ki, bu barədə Rusiya mətbuatı məlumat yayıb.

Məlumatda bunun Donetskə göndərilən 97-ci humanitar yardım karvanı olduğu bildirilib.

Əvvəlki yardım ötən il dekabr ayının 19-da edilib. Donetsk və Luqanskda yaşayan sakinlərə 435 tondan çox dərman, uşaq qidası və konservləşdirilmiş ərzaq məhsulları göndərilib.

Rusiyadan Donbasa humanitar yardım 2014-cü ilin avqustundan, yəni bölgə işğal olunandan çatdırılır. Bu dövrdə Rusiya Fövqəladə Hallar Nazirliyinin konvoyları Ukraynanın cənub-şərq ərazisinə təxminən 85 min ton humanitar yük gətirib.


Müəllif: Mənsur Rəğbətoğlu