Rus səfirdən sensasiya: Minskdə saxlanan muzdlular İstanbula gedirmiş

Belarus hüquq mühafizə orqanlarının ötən gün Minskdə saxladığl rus muzdlu döyüşçülərinə dair yeni detal ortaya çıxıb.

Teleqraf.com xatırladır ki, rəsmi Minsk “Vaqner” şirkətinin nümayəndələri kimi təqdim edilən bu şəxslərin Belarusda 9 avqustda keçiriləcək prezident seçkiləri öncəsi aranı qarışdırmaq məqsədilə ölkəyə daxil oldduğunu iddia edib.

Ancaq Rusiyanın Minskdəki səfiri Dmitri Mezentsev TASS-a açıqlamasında deyib ki, Belarusda saxlanılan rus muzdlu döyüşçüləri İstanbula getməyi planlayırmış.

Səfirin sözlərinə görə, saxlanılan şəxslər Belarusdan tranzit keçidi kimi istifadə ediblər, onlar İstanbul üzərindən üçüncü ölkəyə gedəcəklərmiş. Üçüncü ölkənin adını çəkməyən rus diplomatı saxlanılanların Belarusun daxili işlərinə hər hansı müdaxiləsinin müzakirə mövzusu olmadığını açıqlayıb:

“Hələlik dəqiq olmayan informsiyaya görə, həmin şəxslər xarici ölkədə, Belarusdan tamamilə kənarda enerji qaynaqlarını qorumaq üçün təlimatlandırılan özəl təhlükəsizlik şirkətinin işçiləri ola bilər”.