Dünyada koronavirusa yoluxanların sayı 21 milyonu ötdü

Dünyada koronavirusa yoluxma hallarının sayı son sutkada 21 milyonu ötüb.

Teleqraf.com xəbər verir ki, bu barədə Ümumdünya Səhiyyə Təşkilatı məlumat yayıb.

Bildirilib ki, hazırda dünyada 21 milyon 72 min 427 nəfər COVİD-19-a yoluxub. İnfeksiya planetin 188 ölkəsində yayılıb. Dünyasını dəyişənlərin ümumi sayı 757 min 476 nəfərdir. 13 milyon 925 min 2 pasiyent isə COVID-19-a qalib gəlib.