Son sutkada 10 minə yaxın insan korona qurbanı olub - ÜST

Dünyada koronavirusa yoluxanların sayı son sutka ərzində 294 mindən çox artıb.

Teleqraf.com xəbər verir ki, bu barədə Ümumdünya Səhiyyə Təşkilatı məlumat yayıb.

Avqustun 15-i saat 12:00 üçün olan məlumata əsasən, ötən sutka ərzində 294 237 nəfər yeni koronavirusa yoluxub, 9 985 nəfər isə həyatını itirib.

Yoluxanların ümumi sayı 21 026 758, ölənlərin isə 755 786 nəfərə çatıb.

Ən çox yoluxma və ölüm halları Cənubi və Şimali Amerikada qeydə alınıb - 11 271 215 yoluxma və 410 483 ölüm halı.