Bağdadda qanlı terror: 11 ölü, 26 yaralı

Bu gün İraqın paytaxtında daha bir qanlı terror akisyası həyata keçirilib. Bağdadın şimalındakı Et-Tərmiyyə rayonunda törədilmiş güclü partlayış nəticəsində 11 nəfər ölüb, 26 nəfər yaralanıb.

Teleqraf.com-un Anadolu agentliyinə istinadən verdiyi xəbərə görə, terrorçu-kamikadze özünü izdihamlı bazar meydanında partladıb.

Qeyd edək ki, BMT-nin məruzəsinə əsasən, tək sentyabr ayında törədilmiş terror aktları nəticəsində 1100 nəfər ölüb, 1946 nəfər yaralanıb.