24 Avqust 2020 23:43
1 284

“Kreml Rusiya ilə əməkdaşlığı hədəfləyən Belarus siyasətçiləri ilə əməkdaşlıqda maraqlıdır, amma Belarus müxalifətinin proqramı fərqli bir istiqamətə malikdir”.

Teleqraf.com xəbər verir ki, bu barədə jurnalistlərə Rusiya prezidentinin mətbuat katibi Dmitri Peskov açıqlama verib.

“Müxalifətin platforması və tələblərini hələ dəqiq bilmirik. Belarusdakı daxili siyasi vəziyyətlə əlaqədar səsləndirdikləri tezislərdən danışmırıq. Buna qarışmaq niyyətində deyilik”, - Peskov bildirib.

Onun sözlərinə görə, Kreml bu insanlar (müxaliflər) tərəfindən yazılmış və daha çox diqqətin Rusiya ilə qarşılıqlı əlaqədən uzaqlaşdığı əks olunan bəzi sənədləri görüb: “Mediada mövcud olan bəzi mətnləri gördük, onlar hələ də mövcuddur. Qarışıq mətnlərdir. Ehtimal ki, müttəfiq münasibətlərini davam etdirmək niyyətinin ən az elan olunduğu mətnlər idi”.

“Biz kifayət qədər qeyri-rəsmi bir quruluşdan bəhs edirik. Bu quruluşdakı bəzi nümayəndələrin mövqeyi səyyardır, dəyişir, dəqiq bir mövqe yoxdur, buna görə bu işdə hər hansı bir qərar vermək çox çətindir. Əlbəttə, Belarusda müttəfiq münasibətlər, iki qardaş ölkə arasında qarşılıqlı faydalı tərəfdaşlıq xəttinin ardıcıl olaraq davam etdirilməsinin tərəfdarı olan siyasətçilər bizi daha çox maraqlandırır”, - Rusiya prezidentinin mətbuat katibi əlavə edib.

Bunun Belarus Prezidenti Aleksandr Lukaşenko ilə bağlı olub olmadığına dair suala cavab olaraq Peskov deyib: “Bunu demək daha asandır. Bunu olduğu kimi söyləmək lazımdır. Bunlar ikitərəfli münasibətlərimizin inkişafının tərəfdarı olan siyasətçilərdir. Hansı ki, bizə daha çox müraciət edirlər”.


Müəllif: Mənsur Rəğbətoğlu