Çexiyada virusa yoluxanların sayında rekord

Çexiyada virusa yoluxanların sayına görə gündəlik rekord qeydə alınıb.

Teleqraf.com xəbər verir ki, son gün ərzində testləşmə zamanı 798 yeni yoluxma faktı aşkar edilib. Bu da ölkədə pandemiyanın mövcud olduğu bütün dövr ərzində maksimal göstəricidir.

Çexiyada ötən müddət ərzində ümumilikdə koronavirusa 27 min 250 yoluxma aşkar olunub. Onlardan 429-u vəfat edib. Xəstəxanaya yerləşdirilən COVID-19 xəstələrinin sayı son bir həftədə 30 faiz artıb. Hazırda xəstəxanalarında 44 nəfər intensiv müalicə alır.