Yunanıstan prezidentindən Türkiyəyə mesaj - "Müharibəyə hazır olmalıyıq"

Yunanıstan Prezidenti Katerina Sakellaropoulou amerikalı jurnalistə açıqlamasında Aralıq dənizindəki gərginliyin aradan qaldırılması üçün bütün addımlara hazır olduğunu deyib.

Teleqraf.com xəbər verir ki, Katerina Sakellaropoulou müharibəyə hazır olduqlarını bildirib: Sadəcə Türkiyəyə mesaj göndərmək üçün deyil, ümumiyyətlə, sülh istəyirsənsə savaşa hazır olmalısan".

Meis adasının "qurtuluşu”nun 77-ci ildönümü münasibətilə adaya səfər edən Katerina Sakelaropoulou CNN-in müxbirinin uyğun sdualına cavab olaraq bildirib ki, onun adaya səfəri təxribat sayıla bilməz: "Həssas dönəmlərdən keçirik. Biz dialoq tərəfdarıyıq. Biz dialoqu dəstəklədiyimizi sübut etmişik, ama təhdid altında dialoq istəmirik".

"Fransadan hərbi təyyarələrin alınması Türkiyəyə mesajdırmı" sualına cavab olaraq prezident deyib: "Hökumət bu addımın atılmasının vacibliyinə qərar verdi. Sadəcə Türkiyəyə mesaj göndərmək üçün deyil. Əgər sülh istəyirsənsə hər zaman savaşa yaxşı hazırlıqlı olmalısan".