ABŞ şərt qoydu: İsrailə qarşı beynəlxalq boykotları dəstəkləyən...

ABŞ Keniya ilə sərbəst ticarət müqaviləsi imzalamaq üçün İsrailə qarşı bütün beynəlxalq boykot hərəkatlarını dəstəkləməmək və bu ölkənin iqtisadi maraqlarına zərər verməmək şərti qoyub.

Teleqraf.com xəbər verir ki, məlumat Nairobidə çıxan “Şərqi Afrika” qəzetinin hesabatında öz əksini tapıb.

ABŞ-ın Nairobidəki səfiri Kyle McCarter danışıqlarda İsrail məsələsinin masaya gəlib gəlməməsi ilə bağlı sualları cavabsız qoyub.

Fələstin məsələsində iki dövlətli həll yolunu dəstəkləyən Nairobi hökumətinin irəli sürülən şərtlər səbəbindən çətin vəziyyətdə ola biləcəyi bildirilir.

Qeyd edək ki, rəsmi olaraq sərbəst ticarət razılaşması danışıqlarına iyul ayında başlayan ABŞ və Keniya iki ölkə arasındakı iqtisadi əlaqələri rüsumsuz ticarət yolu ilə gücləndirməyi hədəfləyir.