Milyarder prezidenti «psix» adlandırdı

Amerikalı milyarder Donald Tramp ABŞ prezidenti Barak Obamanın psixi sağlamlığına şübhə etdiyini bildirib.

Teleqraf.com lenta.ru-нa istinadən xəbər verir ki, Tramp bunu Obamanın hərəkətlərini tənqid edərkən deyib. Onun sözlərinə görə, Obamanın Ebola virusunun ən çox yayıldığı Afrika ölkələrindən ABŞ-a edilən uçuşların məhdudlaşdırılmasına qarşı çıxmasını «ağılsızlıq» adlandırıb: “Mənə elə gəlir ki, Obamanın psixi sağlamlığı yerində deyil. Niyə görə uçuşlara qadağa qoyulmur? Bütün insanlar Ebolaya yoluxa bilər. Bu böyük təhlükədir”.

Xatırladaq ki, oktyabrın 16-da Obama Ebola ilə bağlı keçirdiyi konfransda bu uçuşların qadağan edilməsinin virus ilə mübarizədə əngəllər törədəcəyini deyib.

Samir