“Bayden yoxa çıxdı” – Amerikalı aparıcıdan şok sözlər

Canlı yayımlarda maraqlı çıxışları və aforizmləri ilə məşhurlaşan “Fox News” telekanalının aparıcısı Taker Karlson bu dəfə ABŞ-ın yeni prezidenti Co Bayden haqda səsləndirdiyi fikirlərlə diqqət çəkib.

Teleqraf.com xəbər verir ki, Karlson əslində Co Baydenin mövcud olmadığını söyləyib.

Onun sözlərinə görə, Bayden hər səhər insanlara qəhvə alan, buna sevinən və insanları heç bir şeyə reaksiya verməyən fərdlərə çevirmək üçün hazırlanmış bir holoqramdır:

“Co Bayden kimi bir adamın olmadığı məlumdur. 1980-ci illərdən tanıdığınız bu adam yoxa çıxdı. Təhdid etməyən bir siyasi namizədin davranışını nümayiş etdirmək üçün hazırlanmış bir holoqram var”.