Baydenə çağırış: “Amerika necə istəsə…” – İran geri addım atdı

“ABŞ-ın yeni rəhbərliyindən sanksiyaların ləğvini və nüvə anlaşmasına qayıtmağı gözləyirik”.

Teleqraf.com xəbər verir ki, bunu İran Xarici işlər naziri Məhəmməd Cavad Zərif deyib.

Zərif ABŞ rəhbərliyinin nüvə anlaşmasına necə qayıtmaq istəyi ilə bağlı danışıqlara ölkəsinin hazır olduğunu söyləyib:

“ABŞ sanksiyaları dayandırsa və Birləşmiş Millətlər Təşkilatının 2231 saylı qətnaməsinə əməl edərsə, Tehran nüvə anlaşmasına qayıdaraq öz öhdəliklərini yerinə yetirəcək”.

ABŞ-da keçirilən prezident seçkilərində zəfərini elan edən Co Baydenin İrana qarşı tətbiq olunan sanksiyaları asanlıqla ləğv edə biləcəyini vurğulayan Zərif deyib: “Bayden istəsə, bütün sanksiyaları ləğv edə bilər”.