“Hakimiyyətə qarşı başqa addımlar atıla bilər” - İrəvanda son durum

Yaxın gələcəkdə İrəvanda mitinq olmayacaq. Bu müddət ərzində 16 partiya fərqli bir taktikaya əl atmaq və mitinqlər əvəzinə xüsusi görüşlər keçirmək, mediada aktiv olmaq və kiçik qruplar halında yolları bağlamaq qərarına gəliblər.

Teleqraf.com xəbər verir ki, bu barədə Ermənistanda nəşr olunan “Joxovurd” qəzeti yazıb.

Qəzet qeyd edir ki, 16 partiyanın mitinqləri noyabrın 10-da Azərbaycan, Rusiya və Ermənistan başçılarının ərazilərin Azərbaycana qaytarılmasını təmin edən bəyanat verdikdən sonra başlayıb:

“Bu, siyasi qüvvələrin qəzəbinə səbəb olan bir vəziyyət idi və ortaq mitinqlər keçirməyə başladılar, lakin uzun çəkmədi.

Noyabrın 28-də ilk aksiya dünənə qədər ATƏT-in Minsk Qrupunun üç ölkəsinin - Rusiya, ABŞ və Fransanın səfirliklərinə üz tutan və diplomatik nümayəndəliklərə məktublar yazan ziyalıların nümayəndələri tərəfindən təşkil edilib. Onlar hərbi əsirlərin Ermənistana qaytarılmasını tələb edirlər. Ancaq dünən ənənəvi aksiyanı dayandırdıqlarını və fərqli bir formatda çalışmağa davam edəcəklərini açıqlayıblar. Beləliklə, mitinq mübarizəsinin bitdiyini və yaxın gələcəkdə bəlkə də başqa addımların atılacağını bildirə bilərik”.