Peşmərgələr Kobaniyə daxil olacaq - Türkiyədən razılıq

İraq Kürdüstanı Muxtariyyatının lideri Məsud Bərzaninin Kobaninin peşmərgələr tərəfindən müdafiə olunması təklifi Ankarada müsbət qarşılanıb. Türkiyə tərəfi aparılan danışıqlardan sonra peşmərgə qüvvələrinin Kobaniyə girməsinə icazə verib.

Beləliklə, peşmərgələr etnik kürdlərin çoxluq təşkil etdiyi Suriya şəhəri Kobanini İŞİD-dən müdafiə etmək üçün savaşacaqlar. Bu barədə Türkiyə mediası ətraflı məlumat yayıb.

Teleqraf.com-un məlumatına görə, Kobanini müdafiə planı PYD lideri Salih Müslim və kürd komandirləri ilə birgə hazırlanıb.