Putin Ərdoğandan danışdı: “Fikirlərimiz tez-tez üst-üstə düşmür, amma...”

Rusiya Prezidenti Vladimir Putin türkiyəli həmkarı Rəcəb Tayyib Ərdoğanın hər zaman verdiyi sözü tutduğunu söyləyib.

Teleqraf.com xəbər verir ki, Rusiya lideri bunu bugünkü ənənəvi illik mətbuat konfransında deyib.

“Prezident Ərdoğanla bizim baxışlarımız ayrı-ayrı məsələlərdə tez-tez üst-üstə düşmür. Bəlkə də bəzən əks fikirlərə malik oluruq.

Ancaq o, sözünə əməl edən bir insandır. Kişidir. O quyruq yelləmir ("On xvostom ne vilyaet" - rus dilində mövcud olan bu frazeoloji ifadə verdiyi sözdən yayınmayan, sağa-sola sapmayan, ləyaqətli insanlar haqqında işlədilir). Əgər o, bunun ölkəsi üçün faydalı olduğunu düşünürsə, sona qədər gedir”, – V.Putin deyib.

Rusiyanın dövlət başçısı əlavə edib ki, bu, proqnozlaşdırlma elementidir: “Bu xüsusiyyət çox vacibdir, çünki iş gördüyünü anlamağa kömək edir”.