SSRİ-dən qalma hərbi laboratoriya aktivləşdirildi – Rusiyadan kritik qərar

Rusiya Mərkəzi Elmi Tədqiqat Mühəndislik İnstitutu (“TsNİİtoçmaş”) SSRİ-nin dağılmasından sonra Arktikada səhralarda və digər ekstremal şəraitdə silahların sınanması üçün bağlanmış xüsusi bir laboratoriyanın işini bərpa edib.

Teleqraf.com Rusiya mediasına istinadən xəbər verir ki, “TsNİİtoçmaş” poliqonunda mənfi 60-dan müsbət 60 dərəcə temperatura qədər çətin hava şərtlərində atıcı silahların, xüsusi qumbaraatanların və kiçikçaplı topların atəş sınaqları üçün nəzərdə tutulmuş laboratoriya binasının sınaq kameralarının sertifikatlaşdırılması başa çatdırılıb.

1990-cı illərin əvvəllərindən etibarən sınaq bazasının saxlanılması maliyyələşdirilməyib. Nəticədə laboratoriya yararsız vəziyyətə düşüb və avadanlıq köhnəlib.

Elmi-texniki mərkəzin rəhbəri Sergey Karasev mütəxəssislərin köhnəlmiş unikal sınaq texnologiyasını bərpa etməyi bacardıqlarını söyləyib.