Netanyahu Mərakeş Kralını İsraili ziyarətə dəvət etdi

İsrailin Baş naziri Binyamin Netanyahu Mərakeş Kralı VI Məhəmmədi İsrailə səfərə dəvət etdi.

Teleqraf.com xəbər verir ki, daha əvvəl İsrail və Mərakeş aralarında diplomatik münasibətlər qurmaq barədə razılığa gəliblər.

Beləliklə, krallıq Təl-Əvivlə münasibətləri normallaşdıran altıncı ərəb dövləti oldu. Onlardan dördü - Mərakeş, BƏƏ, Bəhreyn və Sudan - bunu Donald Tramp administrasiyasının vasitəçiliyi ilə etdi. ABŞ prezidenti bu dəfə diplomatik qələbə qazanmaq üçün Mərakeşin Qərbi Sahara üzərindəki suverenliyini tanıdı.