Misirdə ağır qəza - 12 nəfər öldü

Misirdə baş verən ağır yol-nəqliyyat hadisəsi nəticəsində azı 12 nəfər ölüb, 6 nəfər yaralanıb.

Teleqraf.com-un məlumatına görə, bu barədə “Ahl Masr” nəşri qəzanın baş verdiyi Asuan əyalətinin rəhbəri Əşrəf Attiyanın açıqlamasına istinadən xəbər verib.

Bildirilir ki, insanlarla dolu mikroavtobus Qahirəyə gedən Kom-Ombo ərazisindəki yolda yük maşını ilə toqquşub.

Yol qəzasının səbəbi hələ açıqlanmır.