Lavrov generalın savaş çağırışına cavab verdi: “Türkiyə ilə birlikdə...”

“Bütün tərəfləri dialoqa təşviq etmək və müharibə danışıqlarına qayıtmaq üçün hərbi əməliyyatların yenidən başlanması səylərinin qarşısını almaq lazımdır”.

Teleqraf.com xəbər verir ki, bunu Rusiya Xarici işlər naziri Sergey Lavrov Liviyadakı qiyamçı qüvvələrin lideri, general Xəlifə Haftarın Türkiyəyə savaş çağırışlarına cavabında deyib.

Lavrov Türkiyə və RusiyanınLiviya məsələsinin həlli ilə əlaqədar Moskvada danışıqlar apardıqlarını xatırladıb:

“Rusiya və Türkiyə arasındakı əməkdaşlıq Liviyadakı tərəflər və qonşularının Berlin Konfransına qatılmasına kömək etdi. Bu Liviya ilə bağlı sənədini qəbul olunmasını təmin etdi”.
O, məsələ ilə əlaqədar Türkiyə ilə əməkdaşlığın davam etdiyini söyləyib.