Ermənistan 2250 adda Türk malını İran malı ilə əvəzləyir

Ermənistan 2250 adda Türk malını İran malları ilə əvəzləyəcək.

Teleqraf.com xəbər verir ki, bu barədə İran Ticarətinin Təşviqi Təşkilatının nümayəndəsi “Mehr” agentliyinə deyib.

“Sanksiyalar ilə əlaqədar olaraq Ermənistan Türkiyədən idxal olunan 2250 adda malı İran malları ilə əvəzləmək niyyətindədir”,- İran rəsmisi deyib.

Bildirilib ki, bu hal İran istehsalçıları üçün yaxşı bir fürsətdir.

İran Ticarətinin Təşviqi Təşkilatının nümayəndəsi qeyd edib ki, Ermənistan üçün növbəti addım həm də İrandan ehtiyac duyduğu xammal tədarükü olacaq.