NATO-dan Donald Trampa etiraz: “Şoka salır”

“Vaşinqtonda baş verənlərin görüntüsü şoka salır. Demokratik seçkilərin nəticələrinə hörmət edilməlidir”.

Teleqraf.com xəbər verir ki, bunu NATO Baş katibi Yens Stoltenberq deyib.

NATO baş katibi ABŞ Konqresindəki hadisələri “şokedici” adlandıraraq, etirazçıları prezident seçkilərinin nəticələrinə hörmətlə yanaşmağa çağırıb.

Qeyd edək ki, ABŞ Prezidenti Donald Trampa dəstək nümayişini təşkil edənlər barrikadaları keçərək Konqresin binasına daxil olaraq, seçkilərin nəticələrinin rəsmiləşdirilən Konqres sessiyasına etiraz edirlər.

Nümayişçilərin Konqres binasına girməsindən sonra başlayan şiddətli qarşıdurmalardan sonra komendant saatı elan edilib.