“Evli qadına təcavüz...” – Makqreqor iddialara cavab verdi

İrlandiyalı MMA döyüşçüsü (Qarışıq Döyüş Sənəti) Konor Makqreqor təcavüz iddialarına münasibət bildirib.

Teleqraf.com xəbər verir ki, o, bu barədə ESPN-ə verdiyi müsahibə zamanı danışıb.

“Başıma dəhşətli şeylər gəldi. Ancaq səni öldürməyən şey səni daha da gücləndirir. Mən bu təcavüzdən kənarda idim, amma ailəm və komandam məni dəstəklədi”, - 32 yaşlı idmançı deyib.

Makqreqor bir atlet tərəfindən cinsi təcavüz xəbərlərindən sonra özünü dəfələrlə qalmaqalların mərkəzində tapıb. İrlandiyalı döyüşçü 2020-ci ilin sentyabrında Korsikada tətildə olarkən sərxoş halda yamaykalı evli qadına cinsi təcavüz iddiasından sonra saxlanılmışdı. Təcavüz iddiası ilə gündəmə gələn qadın evlidir.

Əlavə edək ki, Konor Makqreqor yanvarın 24-də Ultimate Fighting Championship (UFC) yarışlarına qayıdır. Dastin Pore onun rəqibi olacaq.

Makqreqor iki çəki dərəcəsində keçmiş UFC çempionudur.