Putin Baydenlə görüş üçün hərəkətə keçdi: “Hər şey ondan asılıdır”

Rusiyanın Vaşinqtondakı səfiri Anatoli Antonov dövlət başçısı Vladimir Putin və ABŞ Prezidenti Co Bayden arasında 2021-ci ildə görüşün keçirilməsi perspektivindən danışıb.

Teleqraf.com xəbər verir ki, səfir bunun digər məsələlərlə yanaşı, dünyadakı epidemioloji vəziyyətdən də asılı olacağını söyləyib.

“Pandemiya şəraitində müzakirələrin üz-üzə və ya ən yüksək səviyyədə davam etdirilməsinin perspektivləri barədə danışmaq hələ də çətindir. Siyasi təmaslar proqramının hazırlanmasının epdemioloji vəziyyətin normallaşması, bu cür görüşlərin məzmunu və çoxtərəfli hadisələrin baş verdiyi sahələrdəki ünsiyyət imkanlarından asılı olacağı ehtimalı ilə hərəkət edirik”, - səfir qeyd.

O, hər şeyin və ya hansısa bir planın ABŞ-ın yeni rəhbərliyi ilə müzakirəyə və razılığa tabe olduğunu söyləyib.

Bundan əvvəl Ağ Evin mətbuat katibi Jen Psaki ABŞ və Rusiya prezidentləri arasında telefon danışığının hələ planlaşdırılmadığını, Co Baydenin ilk olaraq tərəfdaşlar və müttəfiqlərlə danışıqlar aparmağı planlaşdırdığını deyib.

İndiyə qədər Putin və Bayden arasında əlaqə olmayıb, ancaq Rusiya lideri dekabrın 15-də onu prezident seçkilərindəki qələbəsi münasibətilə təbrik edib.