Talibanın 40 döyüşçüsü öldürülüb

Əfqanıstanın müxtəlif bölgələrində Taliban terror təşkilatına qarşı əməliyyatlarda 40 yaraqlı öldürülüb.

Teleqraf.com “Sabah” qəzetinə istinadən xəbər verir ki, bu barədə Əfqanıstan Müdafiə Nazirliyinin yazılı açıqlamasında qeyd olunur. Yayılan məlumata görə, son sutka ərzində Helmand, Vardak, Qazına və Nangarhar şəhərlərində hökumət qüvvələri tərəfindən Talibana qarşı uğurlu əməliyyatlar davam etdirilir.

Nazirlik əməliyyatlarda 14 döyüşçünün yaralandığını, 15-nin isə həbs edildiyini açıqlayıb.

Əməliyyatlarda çoxlu sayda silah və partlayıcı maddələr ələ keçirilib.

Samir