23 Oktyabr 2014 23:49
778

Rusiya Viktor Yanukoviçi yenidən hakimiyyətə qaytarmağa hazırlaşır.

Teleqraf.com-un Politnavigator.net-ə istinadən məlumatına görə, bu barədə informasiyanı Rusiya mətbuatı Viktor Yanukoviçə yaxın olan politexnoloji institutlardan birinin ötürdüyü məlumatlar əsasında yayıb.

Mətbuat bu qış Ukraynada havaların həddən artıq soyuq keçəcəyini və Moskvanın öz planını həyata keçirməsi üçün əla imkanı yaranacağını bildirib:

“Ukraynanın gələcəkdə qazla təmin edilməsi məsələsi hələ də qaranlıq qalır. Bu vədələrdə isə onun iqtisadiyyatı məhv olacaq. Həyat səviyyəsinin aşağı düşməsi isə insanların total şəkildə etirazına səbəb yaradacaq. Bu şəraitdə isə insanların gözündə Yanukoviçin idarə dövrü cənnət kimi görünməlidir. Demək ki, yeni kütləvi etirazları müşahidə etməliyik. Bax bu məqamda yenidən hazırda real görünməyən geri qayıtma planını həyat keçirmək mümkün olacaq. Bunun üçün Radada Yanukoviçlə əlaqəli olan siyasi güc peyda olmalıdır. Bu güc isə Yanukoviçin dövründə Azarovun hökumətində nazir olan Yuri Boykonun rəhbərliyi altındakı “Müxalifət bloku” olmalıdır.

Təbii ki bu əlaqələr tam gizli şəklində təşkil olunacaq ki, hətta kəşfiyyatda heç nə aşkar edə bilməsin. Digər tərəfdən isə həmin məqamda “Donetsk və Luqansk Respublikaları”nda parlament seçkiləri keçiriləcək. Bundan sonra buranı idarə edən koalisiya Yanukoviçi “Novorossiya”nı idarə etməyə çağıracaq. Daha sonra ac mitinqlər nəticəsində Poroşenko hakimiyyətdən devriləcək”.


Müəllif: