Qara dənizdə ABŞ-Rusiya qarşıdurması: Raket sistemləri hərəkətə gətirildi

ABŞ-ın "USS Donald Cook" hərbi gəmisinin Qara dənizə daxil olaraq xidmətə başlamasından dərhal sonra Rusiya Krım sahillərində “Bastion” gəmi əleyhinə raket sistemləri qurub.

Teleqraf.com xatırladır ki, raket məhv etmək qabiliyyətinə malik "USS Donald Cook" yanvarın 25-də Qara dənizdə missiyasına başlayıb.

Döyüş gəmisinin Qara dənizə daxil olması ilə Rusiya Su-30 döyüş təyyarələri vasitəsilə gəminin bütün hərəkətlərini araşdırmağa və nəzarətdə tutmağa başlayıb.

Rusiya Müdafiə Nazirliyi gəminin Qara dənizə daxil olmasından sonra Su-30 və Su-24 qırıcıları ilə yanaşı, Qara Dəniz Donanmasının ballistik raketlərlə təlimlərə başladığını elan edib.

Müdafiə Nazirliyi həmçinin “Bastion” adlı gəmi əleyhinə raket sistemlərinin Qara dəniz sahillərində qurulduğunu açıqlayıb.