“ABŞ-ın Rusiyanın daxili işlərinə kobud müdaxilə edir” - Rusiya XİN

Rusiya Xarici İşlər Nazirliyi (XİN) ABŞ Dövlət Departamenti və ABŞ-ın Moskvadakı səfirliyindən Rusiyanın daxili işlərinə müdaxiləni dayandırmağı tələb edir.

Teleqraf.com xəbər verir ki, bu barədə Rusiya XİN-nin bəyanatında bildirilir.

“Suveren dövlətlərin daxili işlərinə müdaxilələrin dayandırılmasını tələb edirik və məsuliyyət barədə xatırladırıq”, - paylaşımda deyilir.

“ABŞ-ın Rusiyanın daxili işlərinə kobud müdaxiləsi Vaşinqtonun nəzarətində olan internet-platformalar tərəfindən feyklərin “raskrutkası” və icazəsiz aksiyalara çağırışlar kimi sübut edilmiş faktdır. ABŞ-ın Dövlət katibi Entoni Blinken tərəfindən qanunun pozulmasının dəstəklənməsi Vaşinqtonun pərdəarxası rolunun daha bir təsdiqidir. Şübhə yoxdur ki, etirazların təşviqinə yönələn hərəkətlər Rusiyanın qarşısının alınması strategiyasının bir hissəsidir”, - XİN-də qeyd ediblər.

“Dövlət Departamenti RAND Corp. analitik mərkəzinin 2019-cu ildə təklif etdiyi proqramı açıq şəkildə istifadə edir. Kədərlidir ki, bu doktrinanın həyata keçirilməsi üçün “yüksək qiymət və risklər” haqqında xəbərdarlığı qaçırıblar”, - paylaşımda deyilir.

Nazirlik Amerika tərəfinin nümayəndələrinə müraciət edərək sözügedən aksiyaların “planlaşdırılmamış” deyil, “qeyri-qanuni” olduğunu əlavə edib.