Rusiya və ABŞ anlaşdı – Yeni dövlət katibi Lavrovu təbrik etdi

ABŞ Dövlət katibi Entoni Blinken Rusiyanı “Sputnik V” peyvəndinin effektivliyi münasibətilə təbrik edib.

Teleqraf.com xəbər verir ki, bunu Rusiya Xarici işlər naziri Sergey Lavrov Avropa diplomatiyasının rəhbəri Josef Borrellə danışıqlardan sonra keçirilən mətbuat konfransı zamanı deyib.

Lavrovun sözlərinə görə, Rusiya və ABŞ alimlər arasında bu mövzuda əlaqələrin davam etdirilməsinə dair razılığa gəlinib:

“Ötən gün Entoni Blinkenlə bu barədə danışdım, “Sputnik” mövzusuna toxunduq, nəticə verməsi münasibətilə təbrik etdi və müvafiq laboratoriyalarımız, alimlərimiz, istehsalçılarımız arasında əlaqələri inkişaf etdirməyə razılaşdıq”, - Lavrov bildirib.