“Pençe Kartal-2” əməliyyat keçirdi: 50 terrorçu zərərsizləşdirildi

Türkiyə Silahlı Qüvvələrinin (TSK) İraqın şimalında yerləşən Qara bölgəsində PKK terrorçularına qarşı başlatdığı “Pençe Kartal-2” əməliyyatı başa çatıb.

Teleqraf.com xəbər verir ki, Türkiyə Silahlı Qüvvələrinin (TSK) baş qərargah rəisi, general-mayor Yaşar Güler bildirib ki, əməliyyatda ümiumilkdə 50 terrorçu zərərsizləşdirilib.

10 fevral 2021-ci ildən “Pençe Kartal-2” Hərəkatına başlandığını bildirən Y.Güler bildirib ki, qısa müddətli hərəkatda Türkiyə ordusunun pilotsuz təyyarələrindən istifadə olunub.

“Mağaraya 3 giriş, 9 otaq və 7 dəmir qapı var. Bəllidir ki, uzun müddətli fəaliyyətlərdən sonra bu mağara yaradılıb. Mağarada 8 terrorçu ələ keçirildi”.

Qeyd edək ki, sözügedən mağarada Türkiyə ordusu terrorçular tərəfindən öldürülən 13 Türkiyə vətəndaşının cəsədini aşkarlayıb. Hərbi əməliyyatlar zamanı TSK-nın 3 hərbçisi şəhid olub, 3-ü isə yaralanıb.