Gürcüstanın yeni baş naziri... – Hakim partiyadan açıqlama

Sabah hakim Gürcü Arzusu Partiyasının Siyasi Şurası Georgi Qaxariyanın hökumət başçısı vəzifəsindən istefa verməsindən sonra baş nazir postuna bir namizəd irəli sürməyi planlaşdırır.

Teleqraf.com xəbər verir ki, bunu partiya sədri İrakli Kobaxidze deyib.

“Yeni hökumətə gəldikdə, ehtimal ki, sabah Siyasi Şura toplanacaq və baş nazir namizədinin adını açıqlayacaq”, - Kobaxidze bildirib.

Kobaxidze Qaxariyanın istefasını şərh edərkən, onun komandanın üzvü olduğunu və belə bir qərar verməsinin təəssüf doğurduğunu söyləyib.

Qeyd edək ki, bundan əvvəl Gürcüstan Baş naziri Georgi Qaxariya tutduğu postdan istefa verdiyini açıqlamışdı.