Pentaqon hərəkətə keçdi: "Rusiya təcavüzü ilə mübarizədə Ukraynaya..."

ABŞ-ın müdafiə naziri Lloyd Ostin ukraynalı həmkarı Andrey Tarana Rusiya təcavüzünə qarşı mübarizədə kömək vəd edib.

Teleqraf.com xəbər verir ki, bu bardədə ABŞ Müdaiə Nazirliyi məlumat yayıb.

Pentaqon rəhbəri Vaşinqtonun Ukraynanın suverenliyini və ərazi bütövlüyünü qətiyyətlə dəstəkləməyə davam etdiyini vurğulayıb.

“O, ABŞ-ın Rusiya təcavüzünə qarşı daha effektiv müdafiə üçün Ukrayna qüvvələrinin potensialını inkişaf etdirmək öhdəliyini təsdiqləyib”, – deyə məlumatda qeyd olunur.

Ostin, həmçinin həmkarına müdafiə sektorunda islahatlara ehtiyac olduğunu da vurğulayıb.

Andrey Taran öz növbəsində ABŞ Müdafiə Nazirliyinin dəstəyinə görə Pentaqon rəhbərinə təşəkkür edib.

“Nazir Taran ABŞ-ın davamlı dəstəyinə görə minnətdarlığını bildirdi və Ukraynanın müdafiə sektorunun NATO prinsipləri və standartlarına uyğun transformasiyasına dair öhdəliyini təsdiqləyib”, – deyə Pentaqonun məlumatında qeyd olunur.