Rusiyadan Türkiyə ilə bağlı açıqlama: “Ankara ilə birlikdə...”

Rusiya Federal Hərbi-Texniki Əməkdaşlıq Xidmətinin rəisinin köməkçisi Aleksey Frolkin “S-400” hava müdafiə sistemlərinin Türkiyə ilə birgə istehsalı ilə bağlı açıqlama verib.

Teleqraf.com xəbər verir ki, Frolkin Ankara ilə hərbi-texniki əməkdaşlığın müxtəlif sahələrində danışıqların davam etdiyini bildirib.

Müdafiə sistemlərinin birgə istehsalına dair verilən suala xidmət yetkilisi belə cavab verib: “Türkiyədən olan tərəfdaşlarımızla daima təmasdayıq, hərbi-texniki əməkdaşlığın müxtəlif sahələri üzərində işimizi davam etdiririk”.

Rusiya Türkiyəyə imzalanmış müqavilələr daxilində dörd “S-400” batareyası təslim edib. Razılaşmanın dəyərinin 2.5 milyard dollar olduğu açıqlanıb.