Avropalı gənc qızlar niyə İŞİD-ə qatılır? - Səbəblər

İnsanlıqdan uzaq qətliamlarla dəhşət saçan İŞİD indi də Qərb ölkələrindən olan gənc və gözəl qızların onun sıralarına qatılması ilə gündəmdədir.

Teleqraf.com-un xəbərinə görə, Türkiyənin "Sabah" qəzetinin yazarı Taha Dağlı qərbli qadınların İŞİD-ə olan marağının səbəblərini araşdırıb.

Onun fikrincə, qərbli qadınlar iki səbəbdən İŞİD-ə qoşulur: "Birincisi və ən əhəmiyyətli olanı xüsusilə Avropa ölkələrində müsəlman qadınlara təzyiq edilməsidir. Məsələn, Fransada qadınların tam qapanmasının qadağan edilməsi səbəbindən dinini azad yaşamamaqdan şikayətçi olan qadınlar üçün İŞİD bir alternativ rolu oynayır. Çünki təşkilat xüsusilə qadınlara arşı islami həyat mövzusunda ciddi tələblər qoyur və vədlər verir. İkinci səbəb olaraq isə Avropadakı gənc qızların macəra axtarışıdır. Yaşadığı həyatdan sıxılıb böhrana düşən və fərqlilik axtarışında olan gənc qızlar, bəzən də aşiq olduğu gəncin İŞİD-ə qatılmasından təsirlənən qadınlar bu təşkilata qatılır".

Türkiyəli yazarın fikrincə, 11 sentyab terrorunun da bu məsələdə böyük rolu var. Bu hadisədən sonra islama qarşı fobiya gücləndi və Avropada bir çox şəhərlərdə müsəlman hicablı qadınlara hücumlar təşkil edilirdi. Bu hücumlara etiraz olaraq da Qərbli adınlarin İŞİD-ə qoşulduğunu idda edənlər var.

Qeyd edək ki, indiyədək təkcə İngiltərədən 500 qadının Suriyaya gedib İŞİD-ə qoşulduğu bildirilir.

Nihad