8 Mart 2021 00:26
485
12 Punto 14 Punto 16 Punto 18 Punto

İsrailin bir neçə şəhərində minlərlə nümayişçi Baş nazir Binyamin Netanyahunun istefası tələbi ilə növbəti dəfə küçələrə çıxıb.

Teleqraf.com xəbər verir ki, Netanyahunun Qüdsdəki iqamətgahının qarşısındakı aksiya Baş nazirin tərəfdarları ilə əleyhdarları arasında toqquşmalara çevrilib.

Təl-Əviv və Kesariyada aksiya iştirakçıları əllərində “Netanyahu, sən uduzmusan, get”, “Netanyahu, artıq get” sözləri yazılmış plakatlarla Netanyahu və hökumətə qarşı şüarlar səsləndirib.

Qeyd edək ki, martın 23-də İsraildə ümumi seçkilər keçiriləcək. Ölkədə etiraz aksiyaları artıq 37 həftədir davam edir. Etirazların səbəbləri Netanyahuya qarşı korrupsiya ittihamı, həmçinin, israillilərin COVID-19 pandemiyasına qarşı hökumət tədbirlərindən və onunla bağlı məhdudiyyətlərdən narazılığıdır.


Müəllif: Teleqraf.com