ABŞ-da təyyarə avtomobilə çırpıldı - ölənlər var

ABŞ-da təyyarə qəzası baş verib.

Teleqraf.com xəbər verir ki, hadisə Florida ştatında qeydə alınıb. Yüngül mühərrikli təyyarə səmadan enərək Pembruk-Payns ərazisində hərəkətdə olan avtomobilə çırpılıb.

Təyyarə bundan sonra partlayıb. Hadisə nəticəsində 2 nəfər həlak olub, daha 2 nəfər xəsarət alıb. Yaralılar xəstəxanaya çatdırılıb.

Yaxınlıqdakı evin videomüşahidə kamera faciənin baş verdiyi anı çəkib.

Hadisə yerinə fövqəladə xidmətlərin əməkdaşları cəlb edilib.