Putin koronavirus əleyhinə peyvənd edildi - Yeniləndi

Rusiya Federasiyasının prezidenti Vladimir Putin koronavirus əleyhinə peyvənd edilib.

Teleqraf.com xəbər verir ki, bu barədə Rusiya prezidentinin mətbuat katibi Dmitri Peskov bildirib.

O, qeyd edib ki, dövlət başçısı özünü yaxşı hiss edir.

***

20:09

Rusiya Prezideninin mətbuat katibi Dmitri Peskov Vladimir Putinin günün sonuna qədər koronavirusa qarşı peyvənd olunacağını söyləyib.

Teleqraf.com xəbər verir ki, D.Peskov jurnalistlərə açıqlamasında deyib:

“Yəqin məndən prezidentin peyvənd olunub-olunmadığını soruşacaqsınız, deyəcəyəm: hələlik yox, indi iş qrafikidir, işçi görüş var, amma biz gözləyirik ki, günün sonunadək, axşam o, peyvənd vurduracaq”.

Bundan əvvəl Vladimir Putinin qeyri-publik şəkildə koronavirusa qarşı peyvənd olunacağı açıqlanmışdı.