Özbəkistanda COVID-19-la əlaqədar mobil briqadalar yaradılır

Martın 25-dən Özbəkistanın bütün şəhərlərində və vilayət rayonlarında COVID-19–un yayılmasının qarşısının alınması ilə əlaqədar yenidən mobil briqadalar yaradılır.

Teleqraf.com xəbər verir ki, Özbəkistan Səhiyyə Nazirliyinin mətbuat xidmətinə istinadla xəbər verir ki, mobil briqadalar rayonlarda epidemioloji vəziyyətə nəzarət edəcək, kəndlərdə və məhəllələrdə virusa yoluxanların qısa zamanda aşkar olunması, simptomsuz virus daşıyıcılarının müəyyənləşdirilməsi, ilkin tibbi yardım göstərilməsi və ağır xəstələrin müalicə müəssisələrində yerləşdirilməsi ilə məşğul olacaq.

Karantin qaydalarına əməl etməyən idarə və təşkilat rəhbərləri inzibati qaydada məsuliyyətə cəlb olunacaqlar.